صباح الخير عاملين إيه إن شاء الله تكونوا صحيين مفرفشين ومزقطتين أنا عن نفسي لسه ما نمتش علشان أصحى طبعاً الأستاذ أنس باشا مسهرني طول الليل آه على فكره نسيت أعرفكم بالباشا ، أنس يبقى أبني التاني عمره 6 شهور ونصف بيفضل مسهرني طول الليل وأول ما يطلع النهار يبدأ ينام وأنا طبعاً بكون هنجت ومش مركزه خالص الفيوز عندي بتكون ضربت ويجيلى هلوسه وبعدين يغمى عليا وأنام ، بس النهارده مش هقدر أنام علشان ازم أروح اديله التطعيم بتاع الست شهور ولما أرجع أنام خلاص رحت ورجعت الحمد لله أكلت أنس ونام الحمد لله
ونمت جنبه خلاص صحيت ديما أصحى نوعاً ما كويسه سعات أصحى لوحدي وسعات سعت الباشا يصحيني ويقلق نومي ، بس لما يكبر ويدخل الحضانة إن ما صحيته من الساعة 6 وأطلع عليه القديم والجديد <<< إيه الأم القاسية دي دنتي سموية <<< آه ملكوش دعوه ابني وأنا حره فيه حد عنده اعتراض اللى مش عجبه يستناني على باب المدونه .
المهم نكمل يومنا اصحى اغير لأنس وأكله وبعدين أشوف الشقة وانضف وأشوف طلبات البيت وأبدأ أعمل الفطار وطبعاً أنس مش بيسبني في حالى لازم يقرفني كل شويه ويطلعني من المطبخ وأفضل طلعه دخله وكل شويه أنده على صلاح تعالى شيل أخوك عايزه أخلص المغرب قرب يأذن ، آه نسيت أعرفك بالشيخ صلاح دا ابني الأولاني ربنا يحميه عنده 9 سنين ونصف داخل تلته ابتدائي السنه دي واد زي العثل بس مجنني بيموت في الكرتون وألعاب الكمبيوتر عنده استعداد يقعد 24 ساعه على الكمبيوتر بس مين ديما وقفاله في الزور كل شويه كفاية يا صلاح قوم بقه هتتعب يا حبيببي وهو ولا حياة لمن تنادي بس بيحب يروح المسجد مع بباه على طول .
بعد ما بخلص الفطار والمغرب يأذن يبدأ أنس يعيط ومعرفش أفطر كالعادة افضل العبه وسكته لحد ما ينام شويه صغير لإنه ما شاء الله عليه عدو النوم بيفضل يعاند في النوم وما بيستسلمش أبداً بيفضل صاحى اكبر قدر ممكن طالع لأخوه ، استنوا صلاح بينادي عليا نعم يا صلاح ماما مفيش حاجه حلوه وقبل ما أرد فتح الثلاجه لقه كنافه وقطايف وكالعادة قالى مفيش حاجه تانية لإنه ميبقاش صلاح لو مطلبش حاجه غير الموجوده قلتله إن شاء الله اعملك اللى انت عايزه وقفل التلاجه وراح جاب الرموت من مكانه وحطه على التسريحه وبعدين نام في سريره وقالى الله المروحه جايبه هوا جميل عليا وبعدين قالى ماما ممكن نروح عند جده قلتله استأذن بابا قام جري وسأل بباه قاله ماشي قام لبس جري وجهز نفسه وجه قالى يلا ياماما قلتله طيب يا حبيبي بس نصلى العشا والتراويح وبعدين نخرج بصلى كده وقالى ياه يا ماما كل ده انتي كدا هتتأخرى قوي طب خلصى بسرعه .
اروح بقه اصلى علشان ميزعلش وبعدين نروح عند جده .
هسبكوا بقه علشان مش فاضية ورجعلكوا تاني بكره إن شاء الله ويوم جديد
مع السلامو عليكوا
ما شاء الله عليهم
ردحذفصلوحه وانوس
ربنا يحميهم يا توتي
يوميات جميلة جدا
متابعة معاكِ ان شاء الله
جميله اوي يا توتي اليوميات دي وجميله اوي الصور ربنا يحميهم يارب وفي انتظار باقي اليوميات
ردحذفهلا وداد
ردحذفمشكوره يا قلبي على دعواتك الحلوه
ويسعدني متابعتك
لكى ودي
الأجمل هو تعليقك يا دكتوره
ردحذفتسلمى حبيبتى
الله يبارك فيكِ