مسى النور والهنا على الموجودين هنا واللى جيين عندنا مسى النور والسعادة على السكر الزيادة واللى يشربا سادة ملوش مكان هنا ولا جوه قلبنا .
مساء طاير حاير عايم غايم على الناس الحلوه اللى معانا واللى مش معانا .
ياه أخيراً النهارده عده متتصوروش كان يوم صعب قد إيه صحيت كالعادة متأخره وكان خلاص فاضل على الفطار ساعتين غيرت لأنس وأكلته وأديته لأخوه صلصا.
ودخلت المطبخ بسرعه علشان أعمل الفطار بعد ما خلصت الأكل المغرب أذن وجلسنا نفطر وبعدين أبو صلاح راح المسجد علشان يصلى العشاء والتراويح طبعاً هتسألوني دا لسه مخلص فطار يعني لسه بدري على العشاء أنتو عرفين بقه رمضان المساجد بتكون زحمه قد إيه ربنا يجعلها زحمه على طول السنة .. قولو آمين .
المهم شلت الأكل وظبط الشقة وأنس بيلعب حوليا هو وصلاح وبعدين أنس نام والعشاء أذنت صليت أنا وصلصا وبعدين صلصا أقعد على الكمبيوتر وأنا بدأت أصلى التراويح وخلصت الحمد لله وصحى أنس وأكلته وقعد على الكمبيوتر أكتب مواضيع واشارك في المنتدى بتاعي ..
منتدى جميل جداً كل الأعضاء محترمين وأغلبهم أسر وكتير بنحب لبعض الخير ومتعاونين مع بعض جداً وبعدين أنس زهق وقمت أقعد معاه هو وصلصا .
كفايه عليكوا كدا النهارده علشان متملوش
نلتقى بإذن الله ومشيئته غداً ويوم جديد
سي يو
يوم بسيط وقصير اوي
ردحذفتعرفي لو الدنيا حر عندكم يبقى حلو اوي انك تصحي قبل الفطار بحاجة بسيطة علشان متحسيش بالعطش
بإنتظار يومياتك يا توتي
وسلامي لصلصا وانوس
فعلا الدنيا حر واليوم بيعدي بسرعه
ردحذفتسلمي دودو على المتابعة