بنصبح ونمسي على اللى جم يشرفونا ويتبعونا .
النهاردة بدء من الساعة 3 بليل يوم الوقفه بتاعت العيد كل سنة وانتم طيبين وبالعيد فرحانين وعيد سعيد على الجميع .
بعد ما خلصت ترويق الشقة وفرشتها كانت الساعة خلاص بقت 3 بليل قلت فاضل حاجه بسيطة والفجر ياذن ومش هلحق أنام وكمان الكل صاحي قمت جهزت لبس العيد وكويت لزوجي وصلاح وأنس جلاليب العيد اللى هيصلوا بيها وجهزت لبسي وبعدين الفجر أذن صلينا ونام أنس زوجي قالى استريحي جمبه شويه لحد صلاة العيد قلتله أنا لو نمت مش هصحى دلوقتى وهيروح عليا صلاة العيد خليني صاحية لحد ما نروح نصلى ونرجع ننام وخصوصاً إن أول يوم العيد في بلد زوجي بيكون العيد عندهم بليل مش الصبح زي بلدنا .
المهم لبسنا ولبست صلوحه وأنوس جلالبهم ولبستهم طواقي وكانوا ما شاء الله زي القمر .. واتصل زوجي بأخواته علشان يجهزوا ويقبلونا على أول الشارع علشان نروح نصلى العيد كلنا خرجنا واحنا عملين نهزر ونضحك ونلاعب أنوس لحد ما وصلنا على أول الشارع قبلنا حماتي وإخوات زوجي سلمنا عليهم وعيدنا على بعض وتيته ادت صلاح وانس العيديه بتعتهم . عارفين احلى حاجه في العيد إيه .. طبعاً عارفين ولا تحبوا اقول لكم .. طبعاً احلى حاجه العيديه . هههههههههههههه . مشينا لحد المصلى وأول ما وصلنا لقيناها جميله جداً وخصوصا ان أول مره نروح نصلى فيها . فرشنا السجاجيد بتعتنا وجلسنا نكبر لحد بداية الصلى . كبر الإمام وكبرنا وراه وبدانا الصلى وبعد ما خلصنا جلسنا نستمع للخطبة وكانت جميلة جداً وكانوا الأخوات بيفرقوا بسكويت وعصير وشكولاته وبلح وبعدين شفت ساره زملتي ومامتها رحت سلمت عليهم وهنتهم بالعيد وبعدين قمنى علشان نمشي وقبلت بعض أصحابي وسلمت عليهم وطلعنا بره المصلى لقيت زوجي واقف مستنينا ومعاه خطب ففه أخته . حماتي راحت سلمت علي خطيب بنتها وبعدين مشي واحنا كمان مشينا وفضلنا نتكلم واحنا ماشين على جمال المصلى والخطبة وقررنا نصلى فيها كل سنة إن شاء الله جينا على أول الشارع وماما قالت لنا هو أنتو هتروحو قلنلها أيوه قالت لا تعالوا معانا عندنا رد زوجي وقال لها والله يا ماما إحنا سهرانين من امبارح أنا والأولاد ومنمناش وتعبانين جداً لازم نروح ننام قالتله طيب يا حبيبي بس تعالوا بليل شوية قال لها حاضر .
وإحنا مروحين صلاح قال يا بابا انا عايز اشتري بندقية أو مسدس قال حاضر يا حبيبي قلتله خلاص روحوا أنتو اشتروا البندقية وأنا هدخل أنام أنا وأنس لإني مش قدرة افتح عينيا زوجي قال معلشي استحملى شوية كمان ونروح نشتري ونفرح صلاح ونرجع ننام قلتله ماشي رحنا المحل وكان مليان لعب وصلوحه وقف يختار وبقه محتار مش عارف يختار إيه ولا إيه وأنا وقفه في الشمس لما صدعت وأخيراً رسي على مسدس واشتراه وروحنا على البيت جري دخلت غيرت هدومي وهدوم أنس وصلاح قعد يلعب بالمسدس وزوجي دخل غير هدومه وخلدنا إلى النوم مكملناش ربع ساعه وصحى انس وكنت خلاص هعيط قمت شلته وحاولت انيمه تاني لكن ابدا مرداش ينام وفضل صاحي شويه وصحى باباه وقلى انا مش عارف انام هاتي انس واعمللنا الفطار دخلت عملت الفطار وفطرنا وجلسنا شوية لحد ما أذن الظهر وصلينا ونمنا كلنا صحينا صلينا العصر ونمنا تاني لحد المغرب وبعدين صحيت عملت الغدا واتغدينا وصلينا العشاء وكنت خلاص تعبانه جداً ومجهده وشوية ونام البرنس الصغير ونمت جمبه لحد الساعة 2 بليل وبعدين صحيت لقيت زوجي وصلاح كمان كانوا نيمين شوية والبيت كله صحي قعدنا مع بعض نتكلم ونلاعب أنوس وبعدين زوجي قالى الجماعة اتصلوا وقالوا .....
دا اللى هتعرفوه غداً إن شاء الله
لإني تعبت من الكتابة سلام وانتظروا تفاصيل المكالمة
باااااااااااااااااااااااااااااااااااااي
كل سنه وانتوا طيبين يا توتي
ردحذفما شاء الله صلصا وانوس قمامير من غير حاجه
بس الجماعه قالولكم ايه في التليفون
والله تصدقي مش فاكره خالص ايه اللي حصل
يا هلا يا دكتوره منوراني والله
ردحذفوكل سنة وانتي طيبة
بعدين لما الجماعه اتصلوا كنتي نايمة
انتظري تفاصيل المكالمة اليوم السادس
لتعرفي إيه اللى حصل