السلام عليكم ورحمة الله وبركاته
عاملين إيه النهاردة إن شاء الله تكونوا كويسين .
في عجاله سريعه هحكلكم على اللى حصل النهاردة .
النهاردة صحيت على صوت التليفون ترن ترن ترن قمت رديت بسرعه لقيته ابن أخى محمد .. أهلاً يا محمد عامل إيه .. بخير يا عمتوا أنا كويس أنتي عامله إيه يا عمتو ... أنا كويسه يا حبيبي الحمد لله .. قالى تيته عايزه تكلمك قلتله اديهالى .. قالى ماشي هيه معاكي .. الو ايوه يا ماما عامله إيه .. الحمد لله أنا كويسيه .. أنتو عاملين إيه .. قلتلها أحنا بخير .. وقالت لى الأولاد عاملين إيه .. قلتلها الحمد لله .. قالت لى أنتي لسه نايمة .. قلتلها أنا صحيت خلاص .. قالت لى طيب أنا جيالك عايزه حاجه اجبهالك وأنا جايه .. قلت لها لا يا حبيبتي عايزه سلمتك إحنا مستنينك .. وبعدين قفلت السكه ورحت بصيت في الساعة لقيتها 11 صباحا وانا اللى فكراها 8 صباحاً وبقول مين اللى بيتصل بيا بدري كدا .. المهم اتصلت بزوجي رد عليا قلتله أنت فين .. قالى أنا في المدرسة .. قلتله أنت كويس .. قالى الحمد لله في حاجه الأولاد كويسين .. قلتله الحمد لله .. وبعدين سألته هو المرتب جه .. قالى أيوه يا حبيبتي الحمد لله جه .. قلتله الحمد لله على فكره ماما جاية تزرنا النهاردة .. قالى بجد طيب الحمد لله إن أنا خد المرتب النهاردة عايزك تعملى حاجه كويسه علشان مامتك .. قلتله ماشي إن شاء الله .. قالى أنا هجبلك المرتب واجي .. قلتله ماشي مستنياك .. وبعدين قفلت معاه وفضلت مستنياه .. أنا دلوقتي مستنياه .. اسيبكم مع فاصل إعلاني لحد ما يجي ...
جبنه برتو بتزغزغز في البوك ... ماما قالت كريمه تبقه كريمه ..
اعلان اوكسى ايه اوكسى اه اوكسى الكيس البمبى رغوة ايه يا عينى عليه رغوة اوكسى البمبى
عدنا بعد الفره الإعلانيه اللى صلاح بيحبها جداً وواجع دماغي بيها .. زوجي الحبيب جه من المدرسة وسبتله أنس وصلاح ورحت السوق بسرعه وأنا بقالى فترة مرحتش السوق لقيت الأسعار نار والطماطم مفعصه وب4 جنيه تخيلوا امال لو كانت حلوة شوية كانت تبقه بكام .. المهم اشتريت طماطم وملوخية ولقيت جوافه إيه رحتها تجنن جذبتني ليها من أول شمه رحت بسرعه وسألت صحبتها بكام الجوافه قالت لى الكيلو بـ5 جنيه انصدمت لما سمعت سعرها اخر مره اشتريت فيها جوافه كانت سعرها 2 جنيه المهم مقدرتش أقاوم ريحتها واشتريت كيلو ...واشتريت بطاطس وجرجير وبعدين افتكرت السمنه رجعت جبتها أنا ديما بستخدم سمنه روابي رحت اجيب لقتها خلصت اشتريت سمنه الهانم ودي ديماً بتكون البديل لروابي .
طلعت من السوق ورحت عند بتاع المسحوق جبت آريال ومناديل وفل وكلور وبعدين رحت اشتريت فرخه وجريت بسرعه على البيت لإني لو فضلت في السوق اكتر من كدا هشطب على المرتب رجعت البيت وغيرت واستريحت شويه لقيت ماما وصلت سلمنا عليها وجلست معانا وكانت جيبلنا حاجات من البلد حلوه .. عايزين تعرفوا إيه هيه .. ماشي .. كانت جايبه عيش قمح وقرص وشوفوا التقيلة دي بطة بلدى إنما إيه تجنن .. والحلو عنب .. قلتلها ليه تعبه نفسك يا ماما .. قالت دي حاجه بسيطة .. قعدنا نتكلم شوية وبعدين دخلت المطبخ اعمل الغدا وقدمت لها عصير وزوجي دخل ينام وسبت أنس معاها وصلاح كان بيلعب ... خلصت الغدا قوام قوام وخرجت من المطبخ جلست معها لحد ما زوجي صحي وحطيت الغدا واتغدينا وشربنا الشاي .. وبعدين جلسنا مع بعض نتحاور ونتشاور .. وبعدين ماما قالت لى انا مروحه بقه علشان الحق مواصلات ومتاخرش .. قلتلها خليكي شوية مشبعناش منك .. قالت معلشي هجلكو تاتي غن شاء الله ..
رجعت اجلس مع انس وصلاح وزوجي جلس على الكمبيوتر يشتغل وبعدين أنس نام انتهزت الفرصة ودخلت شطبت المطبخ وروقت الشقة ولقيته صحي كان نفسي يفضل نايم لحد ما انام شوية بس اعمل ايه خلاص ما باليد حيله شوية وصلاح قالى ماما عايز اروح عند جدي قلتله قول لبابا شوفه فاضي ولا مشغول راح قاله .. رد عليه وقاله طيب ماشي بس شوف ماما جهزه ولا لا قولتله روحو انتو لإني هلكانه ومجهدة جداً .. صلاح زعل وقالى معلشي يا ماما تعالى معانا وإن شاء الله هتكوني كويسه .. قلتله يا صلاح انا تعبانه يا حبيبي والله ومش قدره اخرج روح انت وبابا قالى .. بابا بيقول لو ماما مش هتروح معانا مش هنروح .. وقعد يتحايل عليا وزعل ..
وتحت الضغط وفقت وقلتله خلاص ماشي قعد يتنطط وفرح وراح جري يلبس وأنا قمت البس أنس وألبس بس كنت تعبانه جداً ..
وخرجنا ورحنا عند جدو وقعدنا معاهم نتكلم ونهزر وأنس كالعادة أول ما يروح هناك ينام وأنا ببقى هتجنن ونفسي انام جمبه لكن لو في البيت يفضل مصحصح وميخلنيش انام .. قعدنا شويه وبعدين روحنا البيت كنت خلاص هلكت ومش قدرة اتحرك وانس صحي وعمال يفرك لما خدل ذراعي سبته لباباه ودخلت عملت العشا واتعشينا وجلسنا شويه ولقيت انس عايز ينام انتهزت الفرصة ودخلت أكلته وغيرتله هدومه ونيمته ونمت جمبه
تصبحو على خير ...........
عاملين إيه النهاردة إن شاء الله تكونوا كويسين .
في عجاله سريعه هحكلكم على اللى حصل النهاردة .
النهاردة صحيت على صوت التليفون ترن ترن ترن قمت رديت بسرعه لقيته ابن أخى محمد .. أهلاً يا محمد عامل إيه .. بخير يا عمتوا أنا كويس أنتي عامله إيه يا عمتو ... أنا كويسه يا حبيبي الحمد لله .. قالى تيته عايزه تكلمك قلتله اديهالى .. قالى ماشي هيه معاكي .. الو ايوه يا ماما عامله إيه .. الحمد لله أنا كويسيه .. أنتو عاملين إيه .. قلتلها أحنا بخير .. وقالت لى الأولاد عاملين إيه .. قلتلها الحمد لله .. قالت لى أنتي لسه نايمة .. قلتلها أنا صحيت خلاص .. قالت لى طيب أنا جيالك عايزه حاجه اجبهالك وأنا جايه .. قلت لها لا يا حبيبتي عايزه سلمتك إحنا مستنينك .. وبعدين قفلت السكه ورحت بصيت في الساعة لقيتها 11 صباحا وانا اللى فكراها 8 صباحاً وبقول مين اللى بيتصل بيا بدري كدا .. المهم اتصلت بزوجي رد عليا قلتله أنت فين .. قالى أنا في المدرسة .. قلتله أنت كويس .. قالى الحمد لله في حاجه الأولاد كويسين .. قلتله الحمد لله .. وبعدين سألته هو المرتب جه .. قالى أيوه يا حبيبتي الحمد لله جه .. قلتله الحمد لله على فكره ماما جاية تزرنا النهاردة .. قالى بجد طيب الحمد لله إن أنا خد المرتب النهاردة عايزك تعملى حاجه كويسه علشان مامتك .. قلتله ماشي إن شاء الله .. قالى أنا هجبلك المرتب واجي .. قلتله ماشي مستنياك .. وبعدين قفلت معاه وفضلت مستنياه .. أنا دلوقتي مستنياه .. اسيبكم مع فاصل إعلاني لحد ما يجي ...
جبنه برتو بتزغزغز في البوك ... ماما قالت كريمه تبقه كريمه ..
اعلان اوكسى ايه اوكسى اه اوكسى الكيس البمبى رغوة ايه يا عينى عليه رغوة اوكسى البمبى
عدنا بعد الفره الإعلانيه اللى صلاح بيحبها جداً وواجع دماغي بيها .. زوجي الحبيب جه من المدرسة وسبتله أنس وصلاح ورحت السوق بسرعه وأنا بقالى فترة مرحتش السوق لقيت الأسعار نار والطماطم مفعصه وب4 جنيه تخيلوا امال لو كانت حلوة شوية كانت تبقه بكام .. المهم اشتريت طماطم وملوخية ولقيت جوافه إيه رحتها تجنن جذبتني ليها من أول شمه رحت بسرعه وسألت صحبتها بكام الجوافه قالت لى الكيلو بـ5 جنيه انصدمت لما سمعت سعرها اخر مره اشتريت فيها جوافه كانت سعرها 2 جنيه المهم مقدرتش أقاوم ريحتها واشتريت كيلو ...واشتريت بطاطس وجرجير وبعدين افتكرت السمنه رجعت جبتها أنا ديما بستخدم سمنه روابي رحت اجيب لقتها خلصت اشتريت سمنه الهانم ودي ديماً بتكون البديل لروابي .
طلعت من السوق ورحت عند بتاع المسحوق جبت آريال ومناديل وفل وكلور وبعدين رحت اشتريت فرخه وجريت بسرعه على البيت لإني لو فضلت في السوق اكتر من كدا هشطب على المرتب رجعت البيت وغيرت واستريحت شويه لقيت ماما وصلت سلمنا عليها وجلست معانا وكانت جيبلنا حاجات من البلد حلوه .. عايزين تعرفوا إيه هيه .. ماشي .. كانت جايبه عيش قمح وقرص وشوفوا التقيلة دي بطة بلدى إنما إيه تجنن .. والحلو عنب .. قلتلها ليه تعبه نفسك يا ماما .. قالت دي حاجه بسيطة .. قعدنا نتكلم شوية وبعدين دخلت المطبخ اعمل الغدا وقدمت لها عصير وزوجي دخل ينام وسبت أنس معاها وصلاح كان بيلعب ... خلصت الغدا قوام قوام وخرجت من المطبخ جلست معها لحد ما زوجي صحي وحطيت الغدا واتغدينا وشربنا الشاي .. وبعدين جلسنا مع بعض نتحاور ونتشاور .. وبعدين ماما قالت لى انا مروحه بقه علشان الحق مواصلات ومتاخرش .. قلتلها خليكي شوية مشبعناش منك .. قالت معلشي هجلكو تاتي غن شاء الله ..
رجعت اجلس مع انس وصلاح وزوجي جلس على الكمبيوتر يشتغل وبعدين أنس نام انتهزت الفرصة ودخلت شطبت المطبخ وروقت الشقة ولقيته صحي كان نفسي يفضل نايم لحد ما انام شوية بس اعمل ايه خلاص ما باليد حيله شوية وصلاح قالى ماما عايز اروح عند جدي قلتله قول لبابا شوفه فاضي ولا مشغول راح قاله .. رد عليه وقاله طيب ماشي بس شوف ماما جهزه ولا لا قولتله روحو انتو لإني هلكانه ومجهدة جداً .. صلاح زعل وقالى معلشي يا ماما تعالى معانا وإن شاء الله هتكوني كويسه .. قلتله يا صلاح انا تعبانه يا حبيبي والله ومش قدره اخرج روح انت وبابا قالى .. بابا بيقول لو ماما مش هتروح معانا مش هنروح .. وقعد يتحايل عليا وزعل ..
وتحت الضغط وفقت وقلتله خلاص ماشي قعد يتنطط وفرح وراح جري يلبس وأنا قمت البس أنس وألبس بس كنت تعبانه جداً ..
وخرجنا ورحنا عند جدو وقعدنا معاهم نتكلم ونهزر وأنس كالعادة أول ما يروح هناك ينام وأنا ببقى هتجنن ونفسي انام جمبه لكن لو في البيت يفضل مصحصح وميخلنيش انام .. قعدنا شويه وبعدين روحنا البيت كنت خلاص هلكت ومش قدرة اتحرك وانس صحي وعمال يفرك لما خدل ذراعي سبته لباباه ودخلت عملت العشا واتعشينا وجلسنا شويه ولقيت انس عايز ينام انتهزت الفرصة ودخلت أكلته وغيرتله هدومه ونيمته ونمت جمبه
تصبحو على خير ...........
انوس معتبر بيت جدو مخدر اول ما بيدخل بينام على طول
ردحذفوصلصا ما شاء الله عليه حافظ الاعلانات كلها
ربنا يخليهم يارب
في انتظار باقي الايام يا توتي
هلا بيكي يا دكتوره ولاء منوره يومياتي
ردحذفشكراً لمتابعتك